Nagpanindugan ang actor nga si Coco Martin nga indi ini magsulod sa pulitika apisar nga makapila na nga beses siya nga gin-agda nga magpapili sa pampubliko nga posisyon.
Suno kay Coco, halos kada election, masami siya nga ginapamangkot angot sini apang nagapangindi siya bangud wala siya sang interest nga magpadalagan.
Pahayag pa ni Coco, nakita niya kun ano ka budlay ang katungdanan kag mas luyag niya nga magbulig nalang sa publiko sa kaugalingon niya nga pamaagi.
Dugang pa sini, indi niya luyag nga ibutang ang iya kaugalingon sa pulitika bangud suno sa iya, posible nga hatagan ka sang importansya sang iban apang mahimo man nga gub-on ka sang iban.
Ginpahayag man sini nga mas luyag niya nga magpangabuhi nga simple kag malinong kaupod ang iya nobya nga actress nga si Julia Montes.
