Gin-athag sang aktor nga si Dingdong Dantes nga wala siya sang plano nga magsulod sa pulitika apisar nga nagtuhaw ang iya pangalan sa pila ka mga survey para sa mga posible nga kandidato sa Senado sa 2028 national elections.
Suno kay DingDong, mas gusto sini nga magpabilin sa acting industry kag indi na magsulod sa pulitika.
Gin-ako sang aktor nga apisar may interes ini nga magbulig sa iban, wala ini nagakahulugan nga magpadalagan sa anuman nga posisyon sa gobyerno.
Dugang pa niya, ang mangin kabahin sang isa ka komunidad nga nagaulikid sa iban ang may daku nga epekto sa iya.
Sa subong, aktibo si Dingdong bilang chairman sang Aktor PH ukon League of Filipino Actors, isa ka organisasyon nga nagatuyo sa pagpasanyog sang kaayuhan, kinamatarung, kag career development sang mga aktor sa Pilipinas, lakip na ang yara sa likod sang kamera sa pelikula kag telebisyon.
