Nangin topiko sang espekulasyon online ang relasyon nanday John Lloyd Cruz kag Isabel Santos matapos natalupangdan nga nag-unfollow sa isa kag isa sa Instagram.
Bangud sini, gilayon nga nagtuhaw ang huring-huring tuhoy sa posible pagbulagay sang mag-asawa.
Sa pihak sini, nagapabilin sa gihapon ang ila mga litrato tagsa ka Instagram account, nga daw kaangay nagapakita nga wala sang content nga ginpanas sa tunga sang intriga.
Ang unfollowing natabo pila lang ka semana pagkatapos sila ulihi nga nakita sa publiko sang Disyembre, sa diin si Isabel nag-upod pa kay John Lloyd sa piano recital sang iya anak nga si Elias.
Madumduman nga si John Lloyd mismo ang nagkumpirma sang iya relasyon kay Isabel sang Oktubre 2023 sa isa ka interview, sa diin ginlaragway sini ang ila relasyon nga simple kag pribado.
Tubtob subong, wala pa sang pahayag ang duha angut sa nagalapta nga espekulasyon sa social media.
