Actor nga si Kelvin Miranda, tuman ang pagpangasubo sa pagtaliwan sang iya nga amay nga si Patricio Miranda

Tuman ang kasubo sang aktor nga si Kelvin Miranda sa pagtaliwan sang iya amay nga si Patricio Miranda.

Ginpakigbahin ni Kelvin ang masubo nga balita sang pagtaliwan sang iya pinalangga nga amay sa iya mga social media account.

Suno nay Kelvin, nagtaliwan ang iya amay bangud sa aksidente.

Pahayag pa niya, ang handom lamang sang iya amay amo ang makatapos siya sang iya pag-eskwela, isa ka bagay nga wala matuman sang ginpili niya nga magsulod sa showbiz industry.

Kaangay sang iban nga mga amay, gin-ako ni Kelvin nga may yara sila sang indi paghangpanay sang iya amay, apang sang uluhi nag-ayuhay man sila.

Sa katapusan, ginpabutyag sang aktor ang iya tuman nga pagpalangga sa iya amay, bisan pa nga wala nila ini masami ginahambal sa isa kag isa.