Isa na ka full-fledged nga abogado ang aktor nga si Nico Antonio matapos nakapasar sa 2025 Bar Examinations.
Nagtapos si Nico sa European Studies sa Ateneo de Manila University kag abogasiya sa San Beda College sadtong 2013. Ini ang una niya nga pagkuha sang Bar Exam bangud una niya nga gintutukan ang pag-arte. Apisar nga kilala sa showbiz, nagpakita ini sang dedikasyon sa pagtuon agud malab-ot ang iya handom nga mangin isa ka abogado.
Si Nico kilala sa mga pelikula kag mga proyekto sa TV pareho sang Balota, Lolo and the Kid, kag sa MMFF 2025 nagdula siya bilang isa ka abogado sa UnMarry kag isa ka cameo sa Bar Boys: After School.
Ang iya kadalag-an sa Bar Exam isa ka pamatuod sang pagtingob sang talento sa arte kag dedikasyon sa pagtuon.
Pahayag pa ni Nico, ang pagkapasar niya sa Bar Exams isa ka daku nga milestone sa iya kabuhi kag karera, kag opisyal na niya nga ma-apply sa real life ang iya propesyon bilang isa ka abogado samtang nagahatag inspirasyon sa mga pamatan-on nga Pilipino.
