Ginkasal na ang aktor nga si Polo Ravales sa iya longtime girlfriend nga si Paulyn Quiza sa isa ka intimate wedding nga ginhiwat sa Baguio City.
Base sa mga laragway kag videos nga gin-post sang mag-asawa sa ila social media accounts, isa ka simple apang memorable nga seremonya ang ginpatigayon, nga gin-updan sang ila mga suod nga abyan kag pamilya.
Makita man sa mga post nga puno sang emosyon kag kalipay ang selebrasyon sang duha matapos ang pila ka tuig nga relasyon.
Pila sa mga kilala nga personalidad nga nagtambong sa okasyon amo sanday Dingdong Dantes, Dino Guevarra, Rio Locsin, Jackie Lou Blanco, kag direktor nga si Rahyan Carlos, nga nagpakita sang suporta sa newlyweds.
Matandaan nga nagsugod ang relasyon nanday Polo kag Paulyn sang 2017, kag pagkaligad sang isa ka tuig nag-anunsyo sila sang ila sini nga engagement.
Nagpasalamat naman ang mag-asawa sa mga nagtambong kag naghatag suporta sa ila kasal.
