Nagpaguwa na sang pahayag ang aktor nga si Slater Young matapos ginbasol ang iya pamilya sa tuman nga pagbaha nga nagluntad sa Cebu sang Nobyembre 4, 2025.
Ang pamilya sang celebrity engineer ang nagapanag-iya sang Mont Property Group nga ginpahayag gintunaan sang tuman ka daku nga pagbaha sang bagyo Tino nga ginkamatay sang masobra isa ka gatos ka tawo.
Sa iya social media account, nagpaguwa ini sang video sa diin ginpanindugan sini nga wala sang kahilabtanan ang iya negosyo sa pagbaha.
Dugang pa sini nga nakabulig ang nasambit nga real estate nga mabuhinan ang pagbaha sa ila lugar.
Nagpalab-ot man ini sang pagpakig-unong sa pamilya sang mga pamilya nga napatay bangud sa pagbaha.
Ginpaathag man sini ang iya paghipos pila ka bulan bangud suno sa iya nagapadayon pa ang imbestigasyon sa amo nga bagay.
