Nagalaum sa gihapon ang actor nga Vice Ganda nga ikonsidera liwat ni Naga City Mayor Leni Robredo ang posibilidad nga magpadalagan ini sa pagkapresidente sa tuig 2028, sa pihak sang una sini nga pahayag nga indi siya magpadalagan.
Suno kay Vice, padayon niya sa gihapon nga suportahan si Robredo.
Dugang niya, ang desisyon nga magdalagan sa pagka-presidente “indi lang desisyon para sa imo kaugalingon,” gani madamo nga mga tawo ang nagabag-o sang ila hunahuna kon marealize nila nga indi lang ini nahanungod sa ila.
Indi lang si Vice Ganda ang nagapabutyag sang suporta kay Robredo kundi pati man si showbiz insider Ogie Diaz, nga suno sa iya padayon nga nagataas ang suporta sa pulitiko, ilabi na nga nagpanguna ini sa pila ka mga survey.
Samtang, ginpahayag man ni Rica Peralejo nga nalipay siya nga masarangan ni Robredo nga himuon ang iya katungdanan sa posisyon kun sa diin siya ang matuod-tuod nga ginarespeto kag gina-appreciate sang kadam-an.
Suno kay Rica, apisar nga luyag niya nga mangin presidente si leni, ginpakigbahin sini nga mabudlay himuon sang maayo kon ang mga tawo mismo ang nagadown sa iya bangod sa fake news kag politicking.
