Duha ka tuig nga indi makamaneho ang aktor nga si Niño Muhlach matapos nga ginbawi sang Land Transportation Office ukon LTO ang driver’s license sini may kaangtanan sa vehicular accident sa Marcos Highway, Antipolo City sadtong Agosto 23.
Suno sa LTO, napamatud-an nga responsable si Muhlach sa paglapas sa reckless driving matapos nadulaan sang kontrol sa salakyan kag nakabunggo sa tatlo ka mga establisemento.
Nagagwa man sa imbestigasyon kag hearing nga nakaeksperyensya ini sang tuman nga kakapoy antes ang aksidente.
Samtang, gin-ako ni Muhlach nga siya ang responsable sa insidente kag ginpahayag nga nakatulog siya samtang naga-drive bangud sa makapoy nga schedule.
Antes ang duha ka tuig nga revocation, una ini nga ginpaidalum sang LTO sa 90-day preventive suspension.
