Wala ginpalampas sang actress nga SI Barbie Imperial ang akusasyon sang pila ka mga netizens nga ginailog niya sini ang actress nga si Sarah Lahbati.
Si Sarah amo anay ang asawa sang nobyo subong ni Barbie, nga si Richard Gutierrez.
Nag-ugat ang akusasyon matapos nagpost si Barbie sa social media sang iya laragway samtang yara siya sa atubang sang iya salakyan.
Sa comments section sang iya Facebook post, ginpanindugan sang actress nga wala niya ginailog si Sarah.
Suno kay Barbie, madugay na niya nga ginapanag-iyahan ang iya salakyan kag ang iya post kabahin lang sang kampanya sa pag-sponsor sang salakyan.
Matandaan nga madugay na nga may issue si Sara kag Barbie matapos gin-angot si Barbie sa pagbulagay nanday Sarah kag Richard.
Apang sa isa ka interview sang Pebrero 2026, si Barbie nag-insister nga wala siya sang labot sa pagbulagay sang anay mag-asawa.
Pahayag pa niya nga bulagay na si Richard kag si Sarah sang nagsulod ini sa kabuhi sang aktor.
Sa subong, wala pa sang pahayag si Sarah angot sa nasambit nga isyu.
