Liwat nga nagpasaka sang qualified theft complaint ang aktres-beauty queen nga si Michelle Dee batok kay alyas Totoy, ang personal driver sang aktres nga si Rhian Ramos.
Suno sa abogado sang duha ka aktres nga si Atty. Maggie Abraham-Garduque, personal nga ginpasaka ni Dee ang reklamo sadtong Enero 30, sa diin ginaalegar naghatag ini sang pictures sang pula nga ampaw nga may unod nga film materials nga ginaalegar ginkawat ni alyas Totoy.
Lakip sa reklamo ni Dee ang dugang nga libel kag perjury kalakip sa mga akusasyon sang driver nga ginpahayag ginkastigo kag ginpreso nanday Dee, Ramos kag sang ila mga kaupdanan.
Sa pihak nga bahin, nag-apelar naman ang abogado sa publiko nga indi anay paghusgaran ang iya mga kliyente kag indi pagpatihan ang tanan nga alegasyon, kundi sa baylo usisaon kun matuod ang mga alegasyon.
Ginpanindugan ni Atty. Abraham-Garduque nga si alyas Totoy wala sang ebidensiya nga nagasuporta sa iya mga akusasyon kag ang mga ebidensya nga iya ginapahayag kabaliskaran sa iya mga akusasyon.
Matandaan nga una nga nagpasaka sang qualified theft complaint si Dee sang Enero 19 apang ini ang ginbasura matapos ginrekomendar sang Office of the City Prosecutor sa Makati nga ipasaka ini sa regular preliminary investigation proceedings kag indi sa inquest proceedings.
