-- ADVERTISEMENT --
Ginpakigbahin sang aktres nga si Bianca Umali ang iya naekperyensyahan nga kabudlayan sa pagsugod sang bag-ong tuig.
Sa instagram post sang aktres, ginpabutyag sini ang iya naagyan nga health problem apang wala sini ginpahayag kun ano ang balatian nga iya ginaatubang.
Suno kay Bianca, amat-amat naman nga nagabalik sa normal ang iya nga pamatyag.
Gin-ako man sang aktres nga workaholic siya, gani sa karun ginadumdum na sini ang importansya sang ikaayong lawas.
Pahayag pa ni Bianca, subong nga tuig 2026, himuon na niya nga una nga prayoridad ang iya nga health.
-- ADVERTISEMENT --
Nagpalab-ot man sang mensahe ang aktres sa publiko nga magpahuway kun nakabatyag sang kakapoy kag pili-on ang butang nga makahatag sang kusog kag makapabaskog sang lawas.
