Actress Cassy Legazpi, na-diagnosed sang hypothyroidism

Ginbuyagyag sang actress nga si Cassy Legazpi nga siya ang na-diagnosed sang hypothyroidism.

Ang nasambit nga kondisyon kun ang thyroid gland ang wala nakakahimo sang bastante nga hormones.

Suno sa actress, nag-desisyon ini nga magpa-checkup matapos nga matalupangdan sang iya mga abyan nga daw kaangay nga may balatian ini.

Dugang pa sini nga nakabatyag ini nga ginalamig kag ginahilanat kalakip na man ang masami nga pagkabatyag sini sang kakapoy.

Matapos ang pagpacheck up sa doctor, ginpokus na lamang sini ang atensiyon sa pagiging malusog kag indi ang pagpaniwang.

Kabulig sini ang iya kapid nga si Mavy nga nagabulig para sa iya nga pag-workout.