Nagpaggwa na sang pahayag ang aktres nga si Elise Joson nahanungod sa ila pagbulagay sa iya partner nga si McCoy De Leon.
Sang Hulyo 2025, nagpagwa sang joint statement ang duha sa social media account agud ipahibalo ang ila desisyon nga magbulagay.
Wala nila ginbuyagyag ang rason sadto nga tion, apang gin-ako nila nga gintinguhaan nila nga kaayuhon nila ang ila relasyon antes sila nagdesisyon.
Sa iya pinakaulihi nga pahayag, ginpakigbahin ni Elisse nga wala nagkaayo ang ila pagbulagay.
Apang, ginklaro sini nga wala siya sang intensyon nga magbalikay sila ni McCoy kag mas luyag niya nga mag-focus sa nagakaigo nga co-parenting para sa ila bata.
Gin-ako man sang aktres nga may yara sang indi paghangpanay sa tunga nila nga amo ang ugat sang pagtapos sang ila relasyon.
Sa pihak sini, nagdesisyon sila nga ipaiway ang ila indi paghangpanay para sa kaayuhan ni Felize nga ginaalegar apektado sang ila pagbulagay.
Ginpakigbahin man ni Elisse nga bangud nagdaku siya sa broken family, handom niya nga makaangkon sang bug-os kag malipayon nga pamilya.
Apang pagkatapos sang ila pagbulagay, ginbaton niya nga mangin lain ang dalagan sang iya istorya.
