Ginpabutyag sang aktres kag model nga si Heart Evangelista nga mas ginahatagan sini sang importansya ang pagbulig sa isigkatawo, apisar may iban nga nagahatag sang lain nga kahulugan sa iya mga ginahimo.
Ini bangud sa iya pagbulig sa komedyante nga si Ate Gay nga naga-supreher sa subong sa sakit nga cancer.
Suno kay Heart, indi siya ang una nga ginpalapitan ni Ate Gay kundi ang iya assistant, kag ulihi na lamang niya nahibaluan ang sitwasyon sini.
Apisar nahibaluan ni Heart nga may mga tawo nga nagahatag sang lain nga kahulugan sa iya pagbulig bangod isa siya ka kilala nga personalidad, apang ginapaminsar na lang sini ang mas manami nga balos sang Dios.
Pahayag pa ni Heart, ang iya paghimakas indi lamang para sa iya kaugalingon kundi pati man sa iban nga tawo nga nagakinahanglan sang iya madamo nga bulig.
