Actress Iza Calzado, ginlaygayan ang mga fans nga atipanon ang ikaayong lawas

Ginlaygayan sang actress nga si Iza Calzado, ang iya mga fans nga magpahuway kag indi pagbalewalaon ang lawas.

Sa social media account ni Iza, ginpakigbahin sini ang iya pagpaayo nagikan sa isa ka respiratory infection.

Ginpahayag pa sini nga kinahanglan hatagan sang importansya ang pagpahuway kag indi pagkalipatan ang ikaayong lawas samtang padayon ang pagtrabaho.

Dugang pa sang actress nga padayon na siya nga naga-ayo kag nakasaylo na sa bag-o sini niya nga puluy-an kung sa diin may yara sang maayo kag matawhay nga palibot nga magahatag sang maayo sa iya baga.

Matandaan nga sadtong tinalikdan nga bulan, ginpakigbahin sang 42-anyos nga actress nga ini ang nagasupreher sang bronchitis kag pharyngitis.