Naghatag sang bulig ang aktres kag host nga si Kim Chiu sa mga tricycle drivers bilang kabahin sang iya birthday celebration, sa diin nagpanagtag ini sang libre nga gasolina kag grocery packs sa mga drivers nga nakapila.
Indi na ini bag-o para sa aktres, nga kilala sa iya tuigan nga mga inisyatibo sa charity sa iya kaadlawan. Una na man ini nga nagbulig sa mga Aeta sa Zambales kag naghatag sang construction materials sa mga biktima sang linog sa Cebu.
Madamo sang mga recipients ang nagpalab-ot sang ila pagpasalamat, nga nagasiling nga dako ang kahulugan sang simple nga suporta sang aktres ilabi na sa tunga sang padayon nga pagtaas sang presyo sang gatong kag kabudlayan nga gina-atubang sang mga drivers.
Samtang, nangin emosyonal man si Kim kadungan sang iya birthday celebration sa diin gin-share sini ang iya birthday wish para sa “ultimate happiness” kag nagpasalamat sa iya mga fans kag pamilya sa padayon nga suporta.
