Pabor sang actress kag Tv-host nga si Mariel Rodriguez-Padilla nga magpadayon sa pulitika ang iya bana nga si Robin Padilla sa pihak sang kritisismo nga ginabaton sini online.
Ini matapos ginpamangkot ni Senator Imee Marcos si Mariel sa ya podcast kun luyag pa niya nga magpadalagan liwat si Robin sa pulitika, kasunod sang pahayag sini nga indi na deserve sang publiko ang serbisyo halin sa iya bana.
Nag-ugat ang kontrobersiya bangud sa pila ka mga pahayag ni Robin sa session sang Senado nga nagtuga sang online bashing kag reaksyon halin sa publiko.
Sa pihak sini, ginpahayag ni Mariel nga nagapati siya nga wala pa natapos ang misyon ni Robin sa pagserbisyo sa pungsod kag madamo pa ini sang mahimo para sa mga pumuluyo.
Dugang pa niya, madamo pa suno sa iya ang nagasalig kag nagasuporta kay Padilla, gani dapat lamang nga ipadayon sini ang iya pagserbisyo sa gobyerno.
