Sunod-sunod nga ginpakilig nanday Kaila Estrada kag Daniel Padilla ang mga nitizens sa ila mga paparazzi shots sa social media kun sa diin magkaupod ang duha.
Matapos nga nasiplatan sanday Kaila Estrada kag Daniel Padilla nga nagasulod sa isa ka establisyemento, naglapta man ang pila nila ka mga litrato.
Makit-an nga si Kaila nga nagapili sang outfit samtang nagatan-aw si Daniel.
Ginsundan pa gid ini sang isa ka shot, sa diin ang duha nagakaon kag si Daniel yara sa akto nga nagaserbe kay Kaila.
Mabasa sa mga comments nga gina-aprubahan sang mga netizens ang love life subong ni Daniel.
Apisar, nga suportado sang mga netizens ang loveteam sang duha indi gid malikawan nga ipaanggid si Kathryn Bernardo kay Daniel Padilla.
Tubtob subong, wala pa sang pahayag halin sa ila nga duha angut sa mga nagalapta nga mga laragway.
