Naghatag sang update si Kris Aquino sa iya ikaayong lawas kag nagpahibalo sang posible nga pagbalik sa media pinaagi sa video podcast.
Sa iya post sa social media sang Enero 26, gin-share sini ang iya pag-ayo matapos ang minor medical procedure nga nagtuga sang komplikasyon sa iya baga.
Ginpasalamatan ni Kris ang iya mga doktor, nurse, kag iban pa nga medical team, subong man ang mga abyan kag mga supporters nga nagbisita sa iya samtang naga-ayo ini.
Ginpaambit man sini ang mga handumanan sang iya iloy nga si anay President Corazon Aquino bilang inspirasyon para sa iya kusog kag proteksyon sa iya medical journey.
Kadungan sang update, nagpahibalo man siya nga mahimo siya magsugod sang “taped-as-live” nga video podcast, sa diin ipadayon niya ang iya popular nga palagwaon sa tv.
Gilayon ini nga ginsugata sang kalipay sang iya mga fans, nga nagpakita sang suporta kag pagdayaw sa iya kaisog kag determinasyon.
Sa pihak sang iya gina-agyan, ginpakita ni Kris nga padayon siya nga positibo kag nagapangamuyo para sa iya bug-os nga pag-ayo, kadungan sang pagpakita man sang iya pagpasalamat sa suporta kag pangamuyo sang publiko.
