Matapos ng pila ka tuig- ga magkarelasyon, dalayon na nga gintapos sang Actress nga Liza Soberano ang iya koneksyon sa anay Loveteam partner kag boyfriend nga si Enrique Gil.
Ini matapos nga gin-unfollow niya sa Instagram ang aktor.
Sang Lunes, Enero 19, 2026, natalupangdan sang pila ka mga netizens nga wala na ang ngalan ni Enrique sa following list ni Liza sa social media kag amo man sa list ni Enrique Gil.
Matandaan nga sang Agosto 14, 2025, gin-ako ni Liza sa Can I Come In podcast nga nagbulagay sila ni Enrique pagkatapos sang halos walo ka tuig nga relasyon.
Suno sa aktres, masobra tatlo ka tuig na sila nga bulagay antes niya ini ginpahibalo sa publiko.
Dugang pa ni Liza, may duha ka rason kun ngaa wala niya gilayon ginpabalo sa publiko ang ila pagbulagay.
Pahayag pa sini nga antes pa man sila nagdesisyon nga magbulagay, nabatyagan niya nga indi na siya malipayon sa aktor.
Sa pihak sini, temporaryo niya nga gintago ang iya balatyagon agud indi masakitan si Enrique kag malikawan ang komplikasyon sa ila nga relasyon.
