Mabaskog nga pahayag ang ginpagwa sang aktres nga si Angel Locsin batuk kay Senador Robin Padilla matapos gintumod sini ang iya kaugalingon nga “komunista” sa tunga sang impeachment trial ni Vice President Sara Duterte.
Sa isa ka malawig nga post sa Facebook, gindumdum ni Angel ang tion nga sila ang magkaupod, nga nagasiling nga si Padilla masami nagapaambit sang mga sugilanon nahanungod sa iya mga inagihan sa paghimakas kag ang iya pag-intra sa armado nga grupo.
Suno kay Angel, nadumduman niya ang “anay Robin Padilla” nga iya nakilala bangud sa pahayag sang senador.
Apang ginkwestyon ni Locsin kun nga-a naghipos lang si Padilla sang sulit-sulit ini nga gin-red-tag, bisan nahibaluan sang senador nga indi matuod ang mga alegasyon batuk sa iya.
Ginpahayag man sang aktres nga indi sini maintindihan ang ginapahayag suporta sang senador kay Pastor Apollo Quiboloy nga sa subong nagapangatubang sang kaso nga Qualified Human Trafficking, Child Abuse, kag madamo pa.
Matandaan nga madugay na nga ginpanginwala ni Angel ang mga alegasyon nga may kaangtanan siya sa mga komunista nga grupo matapos siya gin-red tag bangud sa iya humanitarian work kag adbokasiya.
