‎‎Actress nga si Alex Gonzaga, malipayon nga ginpakigbahin ang iya pregnancy journey matapos ang pila ka beses nga miscarriage

Ginpakigbahin sang Actress nga si Alex Gonzaga ang iya pagbusong kaupod ang iya bana nga Mikee Morada matapos ang halos 6 ka tuig nga pag-asawahay.

Sa isa ka emosyonal nga post sa social media, gin-ako ni Alex nga samtang nagapreparar sila para sa IVF treatment, isa ka wala ginapaabot nga blessing ang nag-abot sa ila.

Suno kay Alex, dako ang iya pagpasalamat sa amo nga grasya nga ginhatag sang sa Ginoo bangud nahulugan na siya sang makatatlo ka beses.

Dugang pa niya, nga sa pihak sang mga pagtilaw, wala sila nadulaan sang pagtuo kag padayon nga gintugyan ang tanan sa Ginoo.

Nagahingyo man si Alex sang padayon nga pagpangamuyo para sa matalunsay kag safe nga pagbusong tubtub sa pagbun-ag sang ila lapsag.