Nagapati ang aktres nga si Bela Padilla nga makabulig ang Local Film Industry Development Act sa Filipino film industry.
Ang nasambit nga hagna ang ginpangunahan ni Negros Occidental Congressman kag Committee on Creative Industry and Performing Arts Chairperson Javi Benitez.
Suno sa aktres, sang ginpakilala sa iya sang mamalidha ang nasambit nga proposal, ginpahayag sini nga nalit-an niya ang daku nga potensyal sini sa pagpasanyog sang mga local films.
Nahibaluan nga nagtambong ang aktres sa hearing sa Kamara para sa paghinun-anon sang nasambit nga hagna.
Sa iya social media account, iya gin-share ang nasambit nga mga ideya kag ang kaayuhan nga madala sang nasambit nga proposal.
Ginpasiguro man sang aktres nga padayon ang iya paghatag sang suporta sa tanan nga mga lokal nga pelikula sang pungsod Pilipinas.
