Nagbagluhanay sang mainit nga tinaga sa social media ang actress nga Ina de Belen kag social media influencer nga si Rosmar Tan-Pamulaklakin matapos ang isa ka kontrobersyal nga komento.
Nagsugod ini matapos nga may netizen nga naghambal nga pareho sila sang itsura sa post ni Ina kaupod si Jake Vargas.
Nagsabat si Ina nga indi niya luyag nga ikumpara siya kay Rosmar kag nagamit pa sang tinaga nga “ew.”
Wala naman nagustuhan ni Rosmar ang pahayag gani nagbalos ini sa post sa social media batok sa aktres.
Ginpabugal sang influencer ang iya 30 million followers kag ginpahayag nga mas makapila pa siya ka beses naggwa sa TV kon ipaangid kay sa actress.
Gin-akusahan man sini ang aktres nga law-ay ang batasan apisar nga indi pa sikat.
May pila naman ka netizens ang nagdepensa kay Ina kag nagsiling nga posible “either way” ang buot silingon sang “ew.”
Samtang, wala pa sang pahayag si Ina angot sa mga nangin sabat ni Rosmar.
