Actress nga si Jillian Ward kag actor nga si Kobie Brown, spotted nga magkaupod sa isa ka concert

Spotted nga magkaupod ang actress nga si Jillian Ward kag actor nga si Kobie Brown sa concert sang sikat nga singer nga si Jessica Sanchez.

Matapos naglapta ang pila ka mga laragaway nila nga magka-upod, gilayon man ini nga ginpanginwala ni Jillian.

Suno sa actress, ang pag-updanay sa isa ka event wala nagakahulugan nga ang duha ka tawo ang may relasyon ukon naga-date gilayon.

Gin-athag sini nga luyag lang niya nga mag-enjoy sa kabuhi kag maglantaw sang concert upod sa malapit niya nga mga abyan ukon mga kakilala.

Sa subong, wala pa sang kumpirmasyon ukon pahayag sa duha angut sa matuod nga kahimtangan sang ila relasyon, samtang padayon nga gina-istoryahan sang mga netizens ang ila pagtambong sa nasambit nga concert.