Ginpakigbahin sang actress nga si Kiray ang emotional video sa Facebook nga nagapakita sa iya nga nagakuha siya sang pregnancy test.
Sang nagguwa ang positibo nga resulta, wala napunggan ni Kiray ang iya luha, bangud mangin isa na ini ka first-time mother.
Gilayon man niya nga gintawgan si Stephan, nga sang primero nakibot apang sang ulihi napuno sang kalipay kag emosyon.
Sa katapusan nga bahin sang video, ginpakita ni Kiray ang pila ka mga positibo nga pregnancy test bilang pamatuod sang ila madugay na nga ginahulat nga blessing.
Samtang, sa separado nga post, ginpakigbahin man ni Stephan ang ila kalipay. Sa isa ka video, gin-share nila ang ila birth years nga nasulat sa ila mga kamot, kag sa tunga sini amo ang ila sonogram nga may petsa nga “2026.”
Madamo naman nga mga fans ang nagpalab-ot sang pagpanginbulahan sa aktres.
Mantandaan nga sang Disyembre 13, ginkasal ang duha sa Shrine of St. Therese, Newport, Pasay City.
