Actress nga si Lotlot de Leon, emosyonal nga ginpanginwala nga wala sila sang interes sa palanublion sang ila iloy nga nagtaliwan nga superstar nga si Nora Aunor

Emosyonal nga ginsabat sang actress nga si Lotlot de Leon ang mga pahayag sang iya utod nga si Ian de Leon angut sa ginapahayag isyu sang estate sang ila iloy nga si Nora Aunor.

Sa story conference sang pelikula nga 40 Days, gin-insister ni Lotlot nga ang pahayag nga may interes sila sa bisan ano nga palanublion indi matuod kag wala sila nagapangayo sang bahin gikan sa sini.

Suno kay Lotlot, gin-istoryahan lamang nila ang posibilidad nga magtukod sang isa ka korporasyon para sa legasiya sang ila iloy kag indi ini para sa personal nga ganansya.

Dugang pa sini nga bastante na para sa iya ang mangin anak ni Nora Aunor kag ipabugal ang kabuhi nga iya naangkon upod sa nagtaliwan nga Superstar.