Gin-athag sang aktres nga si Matet de Leon ang iya viral nga Facebook post nga nakakuha sang atensyon online matapos magpagwa sang makahulugan nga mensahe angut sa iya pamilya.
Sa post, gin-share ni Matet ang litrato sang iya mga utod nga sanday Lotlot de Leon, Kenneth de Leon, kag Kiko de Leon, nga lunsay mga adopted sang nagtaliwan nga National Artist kag Superstar nga si Nora Aunor.
Suno sa aktres, masami sila makabaton sang negatibo nga mga komento angut sa ila inheritance rights kag sa ila adoption status, isa ka butang nga suno sa iya masakit ilabi na nga padayon ang ila pagpangasubo sa pagtaliwan sang ila iloy.
Nagpangabay man si Matet sang respeto indi lang sa iya kaugalingon kundi mangin sa iya mga utod nga suno sa iya nagabaton man sang masakit nga mga tinaga sa social media.
Ginpakalain man sini ang mga netizens nga nagtawag sang derogatory labels sa iya mga utod, kag nagapanindugan nga unfair ini ilabi na nga indi man sila public figures.
Samtang, gin-ako man ni Matet nga wala siya nakahibalo kun may ginbilin nga last will and testament ang ila iloy, kag wala na niya ini ginapaminsar pa.
