Nakakuha sang atensyon online ang post sang actress nga si Matet de Leon matapos nga nagpakigbahin sang makahulugan nga mensahe angut sa isyu sang palanublion, pila ka adlaw matapos ginpahayag sang iya utod nga si Ian de Leon nga siya ang nagaisahanon nga legal nga manunubli sang ila iloy nga si Nora Aunor.
Sa isa ka post sa Facebook, gin-share ni Matet ang litrato sang iya kaugalingon kag sang iya mga utod nga sanday Lotlot de Leon, Kiko, kag Kenneth de Leon gikan sa isa ka kasal. Gin-caption niya ini nga may daw kaangay nagapabati-bati sa isyu sang palanublion.
Ini nga pahayag nagguwa kasunod sang isa ka nauna nga interview kay Ian, sa diin nagsiling siya nga siya lamang ang legal nga manunubli, bisan pa nga wala sini ginadula ang papel sang iya utod nga gin-adopt sang Superstar.
Makit-an man nga wala nakatambong sanday Matet kag Lotlot sa commemoration nga gin-organisar ni Ian nga gintambungan sang mga fans ni Nora nga kilala bilang “Noranians.”
Sa baylo, nagpatigayon sila sang separado kag mas pribado nga misa kaupod ang pila ka mga miyembro sang pamilya kag si Maricel Soriano nga kilala nga suod nga abyan sang nagtaliwan nga aktres.
Apisar sini, ginpakigbahin ni Matet nga iya sa gihapon ginkadtuan ang lulubngan sang iya iloy sa Libingan ng mga Bayani. Apang suno sa iya, naka-eksperyensya siya sang kritisismo online, gani plano nila nga magbisita sa iban nga adlaw agud malikawan ang isyu.
