-- ADVERTISEMENT --
Padayon nga ginabalanse sang actress nga si Mikee Quintos ang iya showbiz career kag ang iya handom nga mangin architect.
Ginpakigbahin sang aktres nga nagakuha na siya subong sang hands-on nga eksperyensya sa patag bilang paghanda sa iya plano nga magkuha sang architecture licensure exam sa masunod nga tuig.
Suno sa iya, nagtrabaho siya upod sa iya anay classmate nga isa na ka licensed architect agud makakuha sang mas madalom nga ihibalo sa aktwal nga trabaho antes magkuha sang board exam.
Samtang, natalana nga makita si Mikee sa isa ka pelikula kaupod ang actress nga si Barbie Forteza nga iga-release sa mga sinehan sa Setyembre 2.
