Acts of lasciviousness nga gin-file ni Rita Daniela batuk kay Archie Alemania, nakasaka na sa korte

Nakasaka na sa korte ang reklamo ni Rita Daniela nga acts of lascivousness batuk sa actor nga si Archie Alemania.

Ginpahayag sang abogado sang actress nga si Atty. Maggie Abraham-Garduque, nga may ara sang resolution nga ginpaguwa ang City Prosecutors Office sang Bacoor.

Dugang pa sini nga ginapakasuhan sang piskalya ang actor base man sa mga nakalap nga mga ebidensiya kag witness.

Nagpasalamat na lamang ang abogado sini bangud sa nasambit nga tikang nga ginhimo sang piskalya.

Matandaan nga sadtong Oktubre 2024 sang gin-file sang actress ang kaso sa Office of the Prosecutors sang Bacoor City.