Magapatigayon ang ADHD Society of the Philippines sang 2-day regional conference sa Roxas City sa October 23 kag 24 para mapalapnag ang awareness kag kaalam sang publiko nahanungod sa ADHD.
Sa interview sang Bombo Radyo Roxas kay Jojo Villareal sang ADHD Society of the Philippines, iya ginpahayag nga patigayonon ini paagi sa partnership upod sa Provincial Government sang Capiz, City Government sang Roxas, kag iban pa nga mga organisasyon.
May mga doktor kag health care professionals man nga magapakigbahin sa conference para maghatag sang impormasyon nahanungod sa ADHD.
Suno kay Villareal, may mga workshops sa una nga adlaw kag mga lecture kag discussion nahanungod sa ADHD sa ikaduha nga adlaw, lakip ang koneksyon sini sa autism.
Ginpahayag man niya nga importante ang paghatag sang awareness sa mga teachers kag eskwelahan, bangod masami makita ang ADHD sa mainstream classrooms kag kinahanglan mahibaluan kon paano masuportahan ang mga bata nga may ADHD.
Ginapangabay ni Villareal ang suporta sang publiko kag sang Capiz sa amo nga inisyatibo agud mas madugangan ang kaalam kag suporta para sa mga bata nga may ADHD.
