Naghatag sang awareness ang ADHD Society of the Philippines parte sa Attention Deficit Hyperactivity Disorder ukon ADHD, isa ka kondisyon nga masami wala ginaatipan sang komunidad.
Sa interview sang Bombo Radyo kay JoJo Villareal sang ADHD Society of the Philippines, ang ADHD mahimo makita sa mga bata kag mga tigulang. Lakip sa mga senyales sini ang masami nga pagkalipat, kakulangan sa organisasyon kag pagkabalisa.
Ginpahayag man niya nga kinahanglan sang husto nga assessment kag diagnosis sang mga health experts agod mahibaluan kon may ADHD ang isa ka tawo.
Gina-encourage man niya ang mga ginikanan nga obserbahan ang mga senyales kag hatagan sang nagakaigo nga suporta kag atensyon ang mga may ADHD.
Samtang, magahiwat ang ADHD Society of the Philippines sang duha ka adlaw nga ADHD Conference sa Oktubre 23 kag 24, nga may nagkalain-lain nga aktibidad para sa ADHD awareness.
Gina-invite man ni Villareal ang publiko nga magsuporta sa amo nga conference agod madugangan ang paghangop kag awareness parte sa ADHD.
