MANILA, Philippines – Ginpanawagan ni Lanao del Sur Rep. Zia Alonto Adiong, ang penalidad sa mga nagapalapta sang peke nga balita nahanungod sa ginahingadlan nga “energy lockdown”.
Suno kay Adiong, ang impormasyon indi na lamang misinformation kundi mahimo magresulta sa kahadlok kag makaapekto sa ekonomiya.
Ginpa-athag naman sang Malacañang, nga wala sang kamatuoran ang nagalapta nga anunsyo nga may energy lockdown sa Abril 20, 2026.
Ginpaandaman man ang publiko nga ang pagpalapta sang peke nga balita mahimo mapenalize sang pagkapriso tubtob anum ka bulan ukon mas mabug-at pa kon ginahimo ang amo nga aktibidad.
Nahibaluan nga ginpahayag man sang gobyerno, nga magapadayon sila sa legal nga tikang batok sa mga responsable sa paglapta sang sala impormasyon.
