Nakatipon ang administrasyon ni Marcos sang P167.25 billion gikan sa ika-32 nga retail Treasury bond ukon RTB offering, nga nagsobra sa P150 billion nga target sang gobyerno pagkatapos sang isa ka semana nga pagtanyag sang investment bonds.
Suno sa Bureau of the Treasury ukon BTr, ₱84.86 billion ang natipon sa rate-setting auction sang Septyembre 29, samtang P82.39 billion ang nakuha sa tion sang tanyag nga naglawig tubtob Oktubre 7.
Apang, ang kinitaan sini nga tuig 61% nga mas manubo kon ipaanggid sa P425.51 billion nga narekord sa amo man nga pagbaligya sang nagligad nga tuig.
Ang pagbaligya sang RTBs kabahin sang programa sang gobyerno sa paghulam sang P892 billion sa lokal nga merkado sa ikaapat nga quarter sang 2026 agud gastuhan ang mga kinahanglanon kag makabulig sa paggasto sang depisit sang national budget.
