Nagapanawagan ang banda nga Aegis nga irespeto ang mga himata sang nagtaliwan nila nga miyembro nga si Mercy Sunot.
Sa social media account sang grupo naghinyo sila nga indi pagpatihan ang mga nagalapta nga balita nga ang rason suno diri sang kamatayon sang singer amu ang nagkalain-lain nga mga bisyo.
Suno pa sa banda nga wala nagsulod sa anuman nga bisyo ang singer kag wala sang kamatuoran nga may ginpaguwa nga interview ang isa nila ka kapatid nga si Juliet.
Matandaan nga Nobyembre 18 sang nagtaliwan si Sunot sa edad nga 48 matapos ang pagpakigbato sa breast kag lung cancer.
Nagbubo naman ang pagpapakig-unong kag tributes sa pagtaliwan sang sikat nga singer. Pila sa mga ginpasikat sang grupo amu ang mga kanta nga “Halik”, “Basang-basa sa Ulan”, “Luha” kag madamo pa sang iban.
