ROXAS CITY – Nagpatigayon sang aerial survey ang duha ka chopper sang Philippine Airforce kaina sang aga kaupod Office of the Civil Defense Region 6, Provincial Disaster Risk Reduction and Management Office kag Bombo Radyo Roxas para makita ang nangin kahalitan sang pagbaha sa probinsiya sang Capiz.
Kalakip sa mga lugar nga gin-agyan sang chopper amo ang 12 ka mga banwa sa premier kag segundo distrito sang Capiz nga lubos nga naapektuhan sang pagbaha.
Sa karon, nagnubo na ang lebel sang tubig baha sa mga apektado nga barangay matapos wala na nag-ulan sang pila ka adlaw.
Amat amat naman nga nagbalik sa ila mga balay ang mga evacuees sa diin nagalab-ot na lamang sa 1,080 ka pamilya ang nagapabilin sa evacuation centers.
Matandaan nga ginpaidalum na kahapon sang LGU sang Panit-an ang ila nga banwa sa state of calamity bangud sa kahalitan nga tuga sang pagbaha nga dala sang tropical depression Agaton
