Ginbasa ni NBI Director Atty. Melvin Matibag sa impeachment court ang pila ka bahin sang affidavit ni Arturo Lascañas, isa ka self-confessed nga miyembro sang ginatawag nga Davao Death Squad “DDS”.
Sa affidavit, gin-alegar ni Lascañas nga nagpakig-angot sa iya si Senador Ronald “Bato” Dela Rosa kag naghatag sang mando may kaangtanan sa pagpusil sa pila ka target personalities nga ginakabig drug personalities.
Makita sa affidavit nga ang amo nga mando ang gin-alegar nga naghalin kay Vice President Sara Duterte sang alkalde pa ini sang Davao City, kag gin-relay sakay Senator Ronald “Bato” Dela Rosa kay Lascañas.
Dugang pa sa inpormasyon suno sa affidavit, gin-alegar nga si Lascañas ang isa sa mga ginmanduan nga magpatigayon sang pagpangluthang ukon pagpatay sa mga ginatudlo nga target personalities.
