AFP, ginsiguro ang pagprotekta sa soberanya kag teritoryo sang pungsod

Nanindugan ang Armed Forces of the Philippines nga nagapabilin ini nga committed sa pagprotekta sa soberanya kag teritoryo sang pungsod sa WPS.

Ginhimo sang AFP ang pahayag sa tunga sang pagtinir sang mga barko sang Chinese Coast Guard sa nasambit nga rehiyon.

Sa pinakaulihi nga monitoring sang AFP, napabilin sa nasambit nga kadagatan ang Monster ship ukon pinakadako nga barko sang China.

Sa isa ka pahayag, ginpahayag ni AFP Public Affairs Office Chief Xerxes Trinidad, ginahimo nila ang tanan nga pamaagi base sa naga-iral nga international law.

Dugang pa ni Trinidad, kulang ang resources sang Pilipinas kun ipaanggit sa iban nga mga pungsod.

Ginsiguro naman sang AFP nga padayon nila nga protektahan ang kada Pilipino.