MANILA, Philippines – Ginbuksan sang Armed Forces of the Philippines “AFP”, kag sang United States Indo-Pacific Command “USINDOPACOM”, ang isa ka multinational planning exercise nga nagatuyo nga palig-unon ang koordinasyon sa disaster response sa Indo-Pacific region.
Ang “Tempest Express 41-2026”, nga exercise nagsugod sang Hunyo 3 sa Manila Marriott Hotel sa Pasay City kag magapadayon tubtob Hunyo 11.
Nagatambong sa aktibidad ang mga representante halin sa 17 ka partner nations, 31 ka miyembro sang Multinational Planning Augmentation Team “MPAT”, kag mga humanitarian organizations kag civilian agencies.
Suno kay Col. Xerxes Trinidad, chief sang AFP Public Affairs Office, ang training nagalayon nga mapauswag ang koordinasyon sang mga pungsod sa paghatag sang humanitarian assistance kag disaster response operations sa tion sang kalamidad.
Ginpatigayon ang programa sa idalom sang MPAT framework nga ginapangunahan sang AFP kag US Indo-Pacific Command “USINDOPACOM”, nga nagatutok sa pagpauswag sang joint planning para sa mga daku nga emerhensya pareho sang mga natural nga kalamidad.
Dugang pa sang AFP, nagasuporta ini sa ila responsibilidad bilang miyembro sang National Disaster Risk Reduction and Management Council “NDRRMC”, kag bilang lead agency sa Search, Rescue and Retrieval Cluster sa tion sang mga daku nga emerhensya.
