Nakasaka na ang red alert status sa Armed Force of the Philippines (AFP) tuga sang mga nagapadayon nga hublag-protesta sa nagkalain-lain nga bahin sang Metro Manila kaangot sa gihapon sang korapsyon sa mga flood control projects.
Sa isa ka-interview, ginkumpirma ni AFP Spokesperson Col. Francel Margareth Padilla nga tanan sang ila nga yunit sa Sandatahang Lakas ang lunsay naka-red alert status na umpisa pa sang Setyembre 12.
Suno sa iya, preparasyon ini sang ila nga tropa nga suportahan ang Philippine National Police (PNP) sa pagpabilin sang seguridad sa mga aktibidad sang mga progresibo nga grupo sa mga masunod pa nga adlaw.
Apisar ang tikang nga kabahin sang ila nga security measures pananglitan nga maglala ang sitwasyon, ginsiguro ni Padilla nga wala sang kabalak-an ang publiko sa sitwasyon subong sang mga rally.
Paathag pa ni Padilla, sa idalom nito, may yara sang bastante nga numero ang mga katapo sang AFP ang ipahamtang bilang standby forces para sa mga wala ginalauman nga eventualities.
Pahayag pa sang natungdan, ang amo nga tikang nagapasiguro lang nga mapabilin ang kaayusan kag kalinong sa tunga sang mga protesta.
