PILAR, CAPIZ – Wala sang masudlan sang kalipay ang nabatyagan sang mga Agrarian Reform Beneficiaries matapos ila na nabaton ang Certificate of Land Ownership Award (CLOA) nga personal ginhatag ni Department of Agrarian Reform ukon DAR Secretary Brother John R. Castriciones.
Sa isa ka aktibidad nga ginpatigayon sa Capiz State University Pilar campus, gindistribute ni Castriciones ang CLOA sa mga farmer-beneficiaries sa anum ka mga barangay sa probinsiya kadungan ang pagpahanumdum nga tipigan ang ginhatag sang gobyerno.
Kalakip sa mga Agrarian Reform Beneficiaries nga nakabaton sang CLOA ang gikan sa Nemesio Tan Landholdings sa Barangay Dulangan, San Esteban Pilar kag Barangay Culilang, President Roxas.
May yara man sang ARB sa Maayon Agrarian Reform, Panay, Panitan, Pontevedra kag Tapaz.
Samtang magluwas sa gin-award nga CLOA, nakabaton man ang mga kooperatiba sang farm machineries kag kagamitan nga makabulig sa ila nga pagpanguma.
