Nagtaas ang deficit sang Pilipinas sang Enero 2026 sa agricultural goods trade sa $1.03 billion, sa diin nga nagsaka ini sang 2.2% kun ipaanggud sa tinalikdan nga tuig, sandig sa Philippine Statistics Authority (PSA).
Suno sa PSA, nagnubo ang agricultural exports sang 1.3% sa $706.41 million, samtang nagtaas naman ang imports sang 0.7% sa $1.74 billion. Pinakadako nga bahin sang exports ang edible fruit and nuts, nga nagsaka sang 21% sa $235.02 million, samtang nagnubo sang 16.4% ang exports sang fats, oils, kag waxes sa $220.63 million.
Sa rehiyon, nagapanguna ang Malaysia bilang top buyer sang Pilipinas sa ASEAN nga may $16.88 million, samtang sa EU, ang Netherlands ang nagapanguna nga destinasyon sang agricultural exports sang pungsod nga naglab-ot sa $118.07 million.
Pinakadako nga bahin sang imports ang cereals, nagtaas sang 25.5% sa $412.69 million kasunod sang pagpadayon sang rice imports. Vietnam ang nagapanguna nga supplier sang agricultural goods sa Pilipinas sa ASEAN, kag Spain naman sa EU, nga nagapanguna nga naga-angkat sang meat kag meat offal.
Sa kabug-usan, nagdabong sang 0.2% ang two-way agricultural trade sang pungsod sa una nga bulan sang tuig.
