Nagnubo ang agriculture production sang pungsod sa second quarter sang 2024 sa tunga sang epekto sang El Niño phenomenon sa crop sector kag sang nagadugay nga African Swine Fever (ASF) nga padayon nga nagaapekto sa local hog production.
Suno sa Philippine Statistics Authority (PSA), ang value sang agriculture kag fisheries production humalin sang Abril tubtob Hunyo, nagnubo sang 3.3% sa P413.91 billion gikan sa P427.9 billion sa kapareho nga tyempo sang nakaligad nga tuig.
Sa magkatuhay nga pahayag, suno sa Department of Agriculture (DA) nga ang agriculture sector sang pungsod amo ang nagpakita sang kalig-unan, nga ginsuportahan sang strategic interventions nagikan sa ahensiya.
Dugang po sang DA, ang pagnubo ang ginpamag-an sang expansions sa poultry kag fishery subsectors, amo man ang pagpalapnag nga livestock sector sa atubang sang nagadugay nga ASF outbreak.
Sa record sang DA, ang poultry subsector sang pungsod ang nagdabong sang 8.7% sa P70.15 billion, samtang ang fisheries sector ang nagrekord sang 2.2% nga pagtaas, nga nagdangat sa kabug-usan nga P60.40 billion.
Ang subsectors ang may dako nga amot sa overall agricultural output, ginpamag-an ang 8.6% nga pagnubo sa crop production, ang pinakadako nga segment, nga nagabuo sa 53.2% sang total value.
Ang value sang rice kag corn output ang nagnubo sang 9.5% kag 20.3%, suno sa pagsulundan.
Ang stability ang dahil sa kalig-unan sa swine production, nga nagrekord lamang sang 0.2% pagnubo sa pihak sang mga hagna sang ASF nga nakaapekto sa pila ka mga kaprobinsyahanan.
Bilang sabat sa mga hagna tuga sang El Niño, ginpahayag sang DA nga nagahiwat ini sang pila ka low key initiatives agud suportahan ang agricultural sector.
“These measures include P14.54 billion allocated for Rice Farmers Financial Assistance, production support, farmer indemnification, and loan provisions. Additionally, the DA has earmarked P350 million for ASF vaccine procurement, pending Food and Drug Administration approval, and continues to promote biosecurity measures to control the spread of ASF,” suno sa Department of Agriculture.
