All-set na ang provincial government sang Agusan del Sur kag ang Department of Education ukon DepEd-Caraga para sa pormal nga pagbukas sang 2026 National Games nga pagahiwaton sa Datu Lipus Makapandong Sports Complex sa Prosperidad.
Ang mga delegado magatipon pasado ala una sang hapon antes magsugod ang air exhibition sang Philippine Air Force kag ang display sang opening billboard para sa “Palaro Tu AgSur 2026.”
Sa alas kwatro sang hapon, magasugod ang parada kag pagpasidungog sa mga delegado antes ang ceremonial turn over sang athlete’s kits kag handing of banners sa pagpanguna ni Governor Santiago Cane Jr. kag mga opisyal sang DepEd.
Kabahin man sang programa ang multi-media presentation, cauldron lighting kag oath of sportsmanship sa pagpanguna sang Olympic gold medalist nga si Hidilyn Diaz.
Magatapos ang opening ceremony paagi sa engrande nga pasundayag sang mga cheerleaders, dancers kag guest performers samtang ang iban pa nga sports events kaangay sang volleyball kag basketball ang magapadayon antes ang opisyal nga pagbukas sang Hampang.
