-- ADVERTISEMENT --
Ginpakigbahin sang beauty queen nga si Ahtisa Manalo ang iya journey sa pagsulod sa showbiz industry matapos nagpirma sang kontrata sa isa ka TV network.
Suno kay Ahtisa, isa ka hangkat para sa iya ang pagpakita sang lain-lain nga emosyon sa atubang sang camera, ilabi na nga bag-o ini nga patag para sa iya.
Bangod sini, nagpaidalom siya sa pila ka acting workshops agod labi pa nga mapanami ang iya mga ikasarang kag mangin mas handa sa pag-arte sang iya mga karakter.
Pahayag ni Ahtisa luyag niya nga ipadayon ang iya karera sa pag-arte kag nagahandum nga maghimo sang mga action project sa palaabuton.
