Ginpanindugan ni Senator Francis ‘Kiko’ Pangilinan nga ang AI-generated video halin sa state-owned China Daily nga nagalaragway sang mga Pinoy bilang mga amo indi lamang racist kag makahuluya kundi kabahin man sang propaganda sang Beijing nga nagatuyo nga gub-on ang 2016 Arbitral Award nga nagpabor sa Pilipinas angut sa West Philippine Sea.
Suno kay Pangilinan, kadungan sang pagdumdom sang ika-10 nga anibersaryo sang arbitral ruling, ginpabaskog sang China ang pagpalapta sang sala nga impormasyon agud kwestyunon ang desisyon sang international tribunal.
Una na nga ginpakamalaut sang senador ang video kag nagpanawagan sa Beijing nga gilayon ini nga kakason, magpangayo sang pasaylo sa pumuluyong Pilipino, kag pasabton ang mga responsable sa pagtuga sini.
Ginpahayag sini nga ang video maathag nga nagapakanubo kag kabahin sang kampanya sang China sa disinformation.
Ginhatagan man importansya ni Pangilinan ang padayon nga pagsuporta sang International Community sa arbitral ruling kag ginpamatud-an nga indi siya mag-atras sa pagdepensa sang kinamatarung kag soberanya sang Pilipinas sa West Philippine Sea.
