ROXAS CITY – Aprubado na sang Sangguniang Panlalawigan ang Annual Investment Plan (AIP) para sa tuig 2023 nga may kabug-usan nga P13,035,722,438.47 sa ginhiwat nga session subong nga adlaw.
Sa interview sang Bombo Radyo kay BM Jonathan Sonny Besa, ginsiling sini nga pagapirmahan man kuntani sang SP ang executive budget sa masunod nga tuig apang naghinyu si Governor Fredenil ‘Oto’ Castro nga ipaiway ini bangud luyag sini nga amyendahan ang Vision kag Mission sang probinsya.
Bangud sini, magapatigayon sang strategic planning ang SP sa Huwebes agud talakayon ang pag-amyenda sa vision kag mission.
Mahibaluan nga sa budget sang 2023, pinakadaku nga gin-alokaran sang budget ang economic service nga may P892,789, 965 kun sa diin paga-pokusan sini ang medical services kag facility, general public services nga may masobra P543-M samtang kapin P370-M naman ang ginpa-in para sa 20% development plan kalakip na diri ang pondo para sa farm to market roads.
Lauman suno diri nga posible sa masunod nga semana maaprubahan na sang SP ang executive budget.
