Yara na sa Pilipinas ang air assets sang Singapore kag Malaysia agud mag-alalay sa disaster response kag humanitarian efforts nga ginahiwat sa mga lugar nga naapektuhan sang bagyong Kristine.
Nahibaluan na sang Sabado sang naghugpa sa Villamor Airbase sa Pasay City ang C-130 aircraft sang Republic of Singapore Air Force (RSAF).
Samtang alas-2:39 sang hapon naman sang nag-abot sa pungsod ang Eurocopter EC725 transport helicopter sang Royal Malaysian Air Force (RMAF).
Ginsugata naman ini ni Department of National Defense (DND) Secretary Gilberto Teodoro ang team nga sakay sang duha ka military aircraft.
Kaupod sang DND chief sanday Malaysian Ambassador Dato Abd Malik Castelino, Singaporean Ambassador Constance See, kag Philippine Air Force (PAF) Commanding General Lt Gen Stephen Parreño.
Para kay Teodoro, dako nga butang ang pag-abot sang mga military aircraft sang mga kaabyanan nga pungsod para sa ginahiwat nga humanitarian mission.
Apisar malapad ang nahalitan sang bagyo, una nga padulungan ang Bicol Region kag Southern Tagalog area nga sobra nga nahalitaan sang malain nga panyempo.
